CONVOCADAS PRAZAS DE FORMACIÓN EN LIÑA PARA APRENDER EÚSCARO
A dirección do Centro de Estudos Xurídicos (CEJ) publicou a resolución pola que se convocan 15 prazas para ofrecer formación en liña en eúscaro, que terán lugar do 7 de abril ao 30 de xuño de 2025.
Estas prazas están dirixidas a integrantes dos Corpos de Letrados/as da Administración de Xustiza, Médicos/as Forenses, Facultativos/as do Instituto Nacional de Toxicoloxía e Ciencias Forenses, Avogados/as do Estado, e dos Corpos Xerais e Especiais ao servizo da Administración de Xustiza que non estean a prestar servizo actualmente en País Vasco.
Poderán participar tamén aqueles membros destes corpos que se atopen gozando de permisos por maternidade, paternidade, adopción ou acollemento, así como en situación de excedencia por coidado de familiares.
As solicitudes de participación deberán presentarse unicamente a través da sede virtual do CEJ ata o 28 de marzo ás 14:00 horas.
En aplicación dos acordos de transferencia de competencias en materia de Xustiza, esta actividade formativa está reservada a persoal non transferido.